今個星期係休養生息周期，百無聊賴，就上網投簡歷。因為投嘅都係D小兒科，什麽爛鬼秘書，助理的，所以，都有個所謂嘅面試機會。

本人或者係D天生犯賤的，一聽到間公司係什麽車陂路或者什麽中山大道的，我屋企門口冇車搭去的，奉旨唔去。揀來揀去，最後揀到什麽——信诚人寿保险有限公司广州营业总部，地鐵直達，儘管試下！

我投嘅係呢個爛鬼秘書職位，詳情就如下的：

职位描述/要求：

1、年龄21岁或以上；2、大专或以上学历；3、未从事过保险行业；4、勤奋好学，乐观向上；5、有理想、有梦想，有追求；6、有良好的沟通技巧。

好啦，咁約三點我就準時出現啦。有個幾靚下嘅女仔係我前面IN先~（都好在她係我前面）5分鐘都唔使，她就出來啦。

她：個人（死豆皮妹HR）話，一定要做SALES先啊。又要我交錢考證啊，又話要培訓啊。

我：你應聘咩啊？

她：文員咋嘛。

我：咁你點答啊？

她：我咩都話考慮下先咯，跟住個人冇講嘢，我就走啦。

於是，我都做好心裡準備，行咗入去。發現所謂嘅辦公室，其實係一間幾大下嘅房，裡面放滿曬面對面嘅塑料臺同塑料凳。果D所謂嘅業務員，好似啪咗丸咁，左手手機，右手座機，面前係一大堆表格嘅東西，就係度不斷咁打電話，真得人驚！

個死HR，其實都唔知係唔係，叫我自我介紹先，其實都睇得出她冇心機聽噶啦。我講完之後，就來料啦：

HR:其實呢，我地呢度所有嘅人呢，都係要從業務員做起噶。而要做業務員呢，首先就要有從業執照。

我（勉強保持笑容）：咁我冇喔，咁點呢？

HR：你可以交錢比我地啦，我地就幫你培訓，幫你報名考試。

我：但係我唔想從事呢D工作喔，我來應聘秘書噶咋。

HR：其實呢，我地呢度嘅內勤人員全部都要從業務員做起噶。

我：咁嗟係要我SALE保險啦？係唔係要完成銷售業績先啊，要做幾耐先可以申請做內勤啊？

HR：係啊，優秀嘅業務員我地先可以考慮接受申請噶。

我：咁呢段時間要持續幾耐啊？

HR：咁要睇你嘅業績優唔優秀咯。其實呢，我地......

我(頂唔順，開始黑面)：咁你嘅招聘信息嗟係厄人嗟？！又話文職人員！

HR：其實呢，我地嘅業務員都係好優秀噶，我地公司規定係業績優秀嘅業務員先可以申請做內勤人員。（TMD，呢段話她重複咗N次，我真係想爆粗鬧她！）咁你點啊？考唔考慮下啊？

我：咁幾時答覆你啊？

HR：即刻，因為我地下星期開始培訓啦，而且你仲要交錢。

我：唔使啦，我唔考慮！（跟住彈起身走人！）

行行下，我先覺得自己蠢，應該拿翻份簡歷！我覺得份簡歷嘅最後下場，唔係係碎紙機終結生命，就係比人拿來墊飯盒！一路坐地鐵翻去，好彩得B同學聽我呻，心情正常翻D。

不過，其實有下呢D經歷都好，起碼睇清楚所謂保險公司嘅招聘。撲你個街信誠，你去死啦！聽執粒啦！